Гьар са чIавуз дуьз рахух вун,
Гьахъвал вине къаз алахъа.
Авай гавар чинал лугьун
Лазим кьимет гуз алакьа.
Яргъал фидач тапарунар
ЯхцIур югъ я уьмуьр адан.
Гьакъикъат - са чIехи гьунар
Ийида ви кар авадан.
Гьахъ чуьнуьхна чиз -чиз вуна
Ам нагьахъдан кIвачик гумир,
КичIе хьана ,багьна кьуна
Жува жуван иман кумир .
Гьахъвал чIехи са нямет я ,
Лугьудай чи бубайри чаз .
Итимвилин са къимет я
Яб це хъсан , чир хьурай ваз!
Рубрика
Добавить комментарий