Мумкин яни?

Гила геж я , чи уьмуьрдин хьанва  пай-
Лагьана заз кьил агъузна  вуна къе ,
Чи карванар  элухъарна фенва  цIай
Амайди  тек са гелер я  и   рекъе …

Амукьин  чун   дустар хьана  гьар  чIавуз-
Ви  гафар зи акъатзамач япарай
ХкведатIа  йикъарикай са юкъуз
Акъатна мад ашкъи вичин къапарай?

Физамач зи вилерикай а вилер,
Килигзавай  эхиримжи сефер хьиз…
КIандай хьи  заз  са легьзеда а  гъилер
Алчуд хьана  зи гардандал  кифер хьиз!

Жедани    цIай чинеба    хвен ,  кIаниди ?
Бес кIан яз-яз  чара гьикI  жен ,кIаниди?
Ихьтин ашкъи -атIудай къен ,кIаниди ,
Мумкин яни  тикрар хъжен, кIаниди?!

Рубрика