Акъвазмир бейкеф

Акъвазмир вун икьван бейкеф ,кIаниди
Рагъ элцифна  циф атанвай  яйлах хьиз
Къуй  ван турай  дагълариз чи маниди
Ашкъи галаз   шадвал  гъурай   рикIериз

Такурай заз мад  биришар ви пеле
Беневша хьиз  залум  харци  атIанвай
КIичIе я заз юзиникай чи  кIеле
Гарарилай хабар квачиз    атанвай

А гъерикIвал акъатзавач  вилерай
Белки вуна хъелнаватIа ярдивай?
Аян тушни   кIанивилин   селерай
Зун тух тахьун  садрани  дидардивай ?!