Перейти к основному содержанию

Лезгистан зи ери я

Зун лезги, захъ зи лезги чlал ава,  
Туькlвей бахча, кьве мертеба кlвал ава. 
Мукьвал-мукьвал теклифзавай дустариз, 
Къуват гузвай ашкъивилин къастариз.     

Дагълар, рагар, зи чlалалди рахазва,  
Зи чlалунай заз Лезгистан аквазва. 
И зи чlалал рахаз къушар, билбилар,  
Ачухзава дарих касдин гуьгьуьлар.     

Адахъ тарих, адалатни гьахъ ава,  
Далудихъни жумарт лезги халкь гала,  
И чlалалди истеклу яз рахазвай  
Мярекатлу межлисрик ван кутазвай.   

Артмишзава лезги чилин бегьерар,  
Хкажзава цlийи хуьрер, шегьерар,  
Пакдиз хуьзва мерд бубайрин адетар, 
Гьамиша хьуй квехъ бегьерлу зегьметар.    

Зун лезги я, Лезгистан зи ери я,  
Зи дидед чил, галай лай-лай вири я. 
Заз багьа я жуван миллет, лезгияр, 
Пакад йикъахъ инанмиш тир багърияр.

Вердиш я чун четинвилер алудиз,  
Стхавилин пак тир сирер агудиз,  
Лезги чилел нурлу гъетер куькlуьриз,  
Садвилелди цlийи уьмуьр туькlуьриз.      

Кlватlал жезва кьилиз дерин фикирар,  
Дидедикай теснифзава шиирар,  
Виждан михьи, хиялар зи экуь я,  
Чlал виридан намусдин диб, гуьзгуь я.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.