Къужадиз сабур,
Жавандиз абур,
Баладиз хатур,
Чилиз ракъин нур
ХупI ярашугъ я.
Фагъирдиз гуьрмет,
Муьруьддиз хелвет,
Асландиз жуьрэт,
Игитдиз къирят
ХупI ярашугъ я.
Эсилдиз бине,
Писвилиз тегьне,
Гьуьлериз дегьне,
Далдамдиз зуьрне
ХупI ярашугъ я.
Дуьньядиз элем
Я рушват, селем.
Ашукьдиз мягькем
Я Эсли, Керем,
Ктабдиз бегьем
Девит, чар, къелем
ХупI ярашугъ я.
Етим, я ви гьал,
Ийир бед хиял,
Агьилриз камал,
Жегьилриз жамал ,
Жумартдаз девлет-мал
ХупI ярашугъ я.
Рубрика
- Добавить комментарий
- 2112 просмотров
Комментарии
Эминан шиирар гьина ава я…
Эминан шиирар гьина ава я стхаяр? пуд шиир я хьи кьенвайди
Добавить комментарий