Кесиб Абдуллагь

Кесиб къатарин даях, викIегь шаир Саруханов Абдуллагь (Кесиб Абдуллагь) 1875-йисуз виликан Къуба уезддин (гилан Къусар район) Манкъули хуьре лежбердин хзанда дидедиз хьана. Вичихъ хци зигьин авай Абдуллагьа гъвечIи чIавуз кIелиз-кхьиз чирнай. Аял тирла етим яз амукьай Абдуллагь, СтIал Сулейман хьиз, гзаф йисара дуьньяда къекъвена; девлетлуйрин кIвалера батраквиле кIвалахна, лежбервал ва фялевал авуна. Абдуллагьа чеб гьа аямди эзмишнавайбурун дерди-баладикай шиирар туькIуьрзава. Шаирдин «Приставдин бармак», «Туьрез», «Зулун марф» ва маса эсеррай аквазвайвал, ада вич яшамиш хьайи гьахъ-дуван авачир девир лянетламишзава, зегьметчи халкьдин векил хьиз майдандиз экъечIзава. Абдуллагьа Советрин власть рикIин сидкьидай тебрикна ва вичин шиирар классовый душмандин аксина туькIуьрна. Ажугъламиш хьанвай кулакри Абдуллагь 1934-йисуз инсафсузвилелди яна кьена.

Акимов Къ. Х. «Лезги зарияр»

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.