Диде рикlел хтана зи

Куьчедай кьил туна чиле,
Кlекlес аваз гьар са гъиле.
Физ акурла къари куьзуь,
Диде рикlел хтана зи.

Къекъвез тижез тир ам зайиф,
Акурла заз хьана гьайиф.
Гьайифти рикl атlана зи,
Диде рикlел хтана зи.

Жедай вичин кьудкъад йисан,
Зи дидедиз тир ам ухшар.
Хьана мазди вич сад кьваншар,
Диде рикlел хтана зи.

Къекъвез тижез тир ам зайиф,
Акурла заз хьана гьайиф.
Гьайфти рикl атlана зи,
Диде рикlел хтана зи.

Акур къалай вич заз сифте,
Алат хьайла шумуд гьяфте.
Гьефтедилай хьана хесте.
Диде рикlел хтана зи.

Гьефтедилай хьана хесте,
Сурал цуьквер десте-десте,
Тхуй,Рикlел атана зи,
Диде рикlел хтана зи.