Нянин чIвуз, булахд кьилел
Яр атайла вучда вуна?
Милайимдиз хъуьрез-хъуьрез
Гаф атIайла вучда вуна?.
Сад лагьана бахтсузвиляй,
Гъуьрчехъанд кард катна гъиляй,
Хуьруьн къене элдин виляй
Аватайла вучда вуна?
Аваз чина шадвилин хъвер,
Ирид йисуз хвейи рекьер,
Гъиляй мукьва жезвай мехъер
Акъатайла вучда вуна?
Абдуллагьаз тийижир кар,
Куьне чира, азиз дустар.
Пис ксарин жергедик тIвар
Акатайла вучда вуна?.
Рубрика
Добавить комментарий