Чилин дарман

Зи чубарук. Са хабар гваз,
Вун чIередик атанвани?
Фад квахьнавай зи ахвар гваз,
Вун элкъвена хтанвани?
Я тахьайтIа, серин кIвале
Вуна ширин сес твазвани?
Тахьун патал гъам зи рикIе,
Луваривди ви кьазвани?
ЧидайтIа, нуькI, зи дерт рикIин,
Кьве лувар зав вугудай жед.
Ал лувари, белки, якъин,
Цавун аршдиз тухудай жед.
Килигдай зун цавай чилиз,
Сирер чилин кьатIудай за.
А сирерин дарман чириз,
Сах циферин атIудай за.
Аллагьдизни жедай мугьман,
Адак умуд кутуна хьиз.
Ам девирдин тушни Лукьман?
Жедач чи дерт такуна гьич.
…Галат хьана рекье ама,
Лувариз гуж бес хьанач зи.
Гьикьван чандай гьекьер фена,
Аллагьдиз гьич сес хьанач зи…

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.