Перейти к основному содержанию

Ша, руш, ша!

Ахмакьвал я гьуьжет авун,
Вун гуьрчег туш, лагьана.
Муьгьуьббатдин цIийи къанун
Зи уьмуьрдиз на гъана.

Рекьизвайдаз гьевес гъизва
Хурудаллай ципIери.
Садан руьгьни секин тазвач
Кьакьан гуьзел кIвачери.

Вахт тахьанмаз емиш кьунвай
Шумал тар я хурмадин.
Кагьрабад хьиз нур гузавай
Вилер вуч я Сунадин!

Са чIиб алай юкьвалайгъуз,
Агъадихъди, уф, гуж я!
Ахварайни ва гьар юкъуз
Вун акун заз вуч хуш я!

Накь йифиз за ша лагьайла
На саймишни авунач.
Ваз Аллагьди а буй гайла,
Вучиз ачух рикI ганач?

Исятда хьиз гудач на наз,
Вахтар фейла, лув гана.
Лугьуда на, пIузар жакьваз,
- Зи цIерид йис гьикана?

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.