Перейти к основному содержанию

Бязи къанба гурар кIане

Бязи къанба гурар кIане 
КутIуртIан мекьи жедайд туш. 
Виш путунлай тIимил тегьне 
Хамунвай эхи жедайд туш!

Заз акуна ахьтинд сана, 
КIуф тумуник кваз ксана.
Вичин хам пара кьацIана, 
Гьуьлуькни чуьхуьз жедайд туш!

Заз акурд туш ихьтин тарта, 
Кими туш сивикай хата. 
Я тфенг, гапур тахьайтIа, 
Лашунал рекьиз жедайд туш!

Акьулдиз вич хьана лап кем, 
Ахмакьвилиз пара уьтквем. 
Вичин акьул кьуна мягькем, 
Зерре мад гъуьргъуьз жедайд туш.

КIантIа дар хьуй, кIандатIа генг, 
Чидайд туш вич фидай тIеквен. 
Экъич адан кьилел лиген, -  
Чиниз мад регъуьз жедайд туш.

Эй Сулейман! Заз чиз, анжах, 
Бязи гьайванд кьилиз - нажах. 
Вичиз авачир къанажагъ, 
А затI чIалал гъиз жедайд туш!

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.