Перейти к основному содержанию

Кьил хкаж, Арбен!

Шаир стха, Арбен Къардаш,
Куьз дертлу я зи?
Твамир рикIе жуван талаш,
Агь, жемир аси.
Дуьнья даим амукьдач икI,
Алатдайд я хъен,
Алугарна гъамарин ник,
Кьил хкаж, Арбен!

Ви гуьгьуьлни даим ахъа
Яни дердериз?
Илчифзавайд гуьгьуьлд тIакIа
Гъам яни звериз?
И дуьньядин крар акваз
ЦIугъзавай сирен
Валлагь, биллагь жез кIанда ваз…
Кьил хкаж, Арбен!

Гагь хъуьрез, гагь шедайди я
Дуьнья кьил рехи.
И йикъарик жедайди я
Пис-хъсан эхир.
Алудмир на рикIелай ви
Гьар легьзе, герен
Пак лекьерин я ви иви,
Кьил хкаж, Арбен!

Комментарии

Камиль Гасанов
01.07.2021

Арбен Кардаш

ВЫШЕ ГОЛОВУ, АРБЕН!

Дней подхвачен ураганом,
Ты печалью знаменит, –
Черным стал киле-кажганом ,
Копотью тоски покрыт.
Что ж, у времени лихого,
Знать, в почете мрак и тлен.
Вот остался ты без крова…
Выше голову, Арбен!

Нет, бездомность не причина
Горестей из года в год…
Неужель утес-мужчина
Сеть сомнений не порвет?
Распрямись, покинь быстрее
Разочарований плен.
Марш на улицу живее,
Выше голову, Арбен!

Время – дьяволу забава,
Время – как алачарпан .
Что ни человек – держава,
Сколько судеб – столько стран.
Шахов – тьма, что капель в море:
Всяк двуногий – суверен…
Это счастье или горе?
Выше голову, Арбен!

Улица, страна – базары.
Парни круты без стыда.
Всюду жуликов отары
И мошенников стада.
Знаешь ты не понаслышке
Время вящих перемен:
Всех оно подвергнет стрижке…
Выше голову, Арбен!

Маски сброшены. Недаром
Сразу видно, кто ты есть.
Стали ходовым товаром
Правда, Родина и Честь.
Видно, кто душою чистый,
Кто безумней голых стен…
Все перенеси и выстой,
Выше голову, Арбен!

Боже правый, в заграничье
Наши торгаши, увы,
На продажу шлют девичьи
И гранаты, и айвы,
Беспощадною валютой
Срам девичий прикроен.
Стонет сердце в муке лютой…
Выше голову, Арбен!
Телевизор включишь нервно,
Словно схватишь хвост змеи:
«Не увидели бы скверны
Дети чистые мои!..»
Глянут на экран тлетворный
И поймут: мир – край измен,
И бордель, и живодерня:
Выше голову, Арбен!

Сыновей держи подальше
Ты от лжи. Обречена
До поры увязнуть в фальши –
Неизбежная весна.
Только человечность парус,
Что ей качка, что ей крен…
Человечен будь и старясь…
Выше голову, Арбен!
1993

Камиль Гасанов
01.07.2021

Арбен Къардаш

КЬИЛ ХКАЖ, АРБЕН!

Куьз вун акьван пашман хьанва,
Хва текьейдан кас?
Вакай киле-къажгъан хьанва,
Ацукьнавай пас.
Амма вучда? – Я гьахьтин чIав,
Чина авай хъен.
АлачтIани ви кьилел къав,
Кьил хкаж, Арбен!

Авач, лугьуз, жуван кIвал-къул,
Сефил жедани?
Дагъдин пад кьван авай ругул
Гъафил жедани?
Къарагъ садра, ая чIадгун,
Акъажа беден.
ЭкъечI тадиз куьчедиз вун,
Кьил хкаж, Арбен!

Ихьтин заман – алачарпан
Мус ахквада ваз,
Хьанвай бере гьар са инсан
Са гьукумат яз,
Гьар сад – вичин шагьни аскер,
Вичин яц, куьтен?..
Им акун бахт тушни мегер?
Кьил хкаж, Арбен!

Куьче–базар, уьлкве – базар,
Хуррам гадаяр...
Мус ваз икьван къумарбазар,
Гьарамзадаяр
Акурди я, ахкварди я,
И йикъар кьетIен?
Вахт кисбурни чухварди я,
Кьил хкаж, Арбен!

Як хьиз, якIв хьиз, маса гудай
Гьахъ, Ватан, Намус,
Гьардай вич тир кас акъудай
Вахт ахквада мус?
Чир жеда: нин михьи я рикI,
Нин суфат – кетен.
Себеб авач жедай гъарикI,
Кьил хкаж, Арбен!

Ашукьри хьиз, дегишна тIвар,
Керчекдиз лугьун:
Чи рушарин жумни анар
Яд уьлквейриз гун,
Пул квайбурун хьун эменни
Гьар чIагай беден–
Жуваз акун залан женни?!
Кьил хкаж, Арбен!

Киливизур кутурла, вал
Акьалтзава цур:
«Им акур зи чиг кьве аял
Жедачни бес чIур?» –
Ваъ, чир жеда: дуьнья фана –
Туш балкIан семен,
Я гьаремни кьасабхана...
Кьил хкаж, Арбен!

На рухвайрив агудмир таб,
Агудмир гьилле.
Им гатфар я, хьанвай татаб,
Хквезмай гьеле.
Инсанвал я и тIурфанда
Чун хуьдай елкен.
Гьам квадармир на ви чандай,
Кьил хкаж, Арбен!
11.03.93

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.