Чепер Касбуба

ТIвар-ван авай шаир ва публицист Чепер Касбуба (Азизханов Касбуба Лукьманович) I928-йисан 5-февралдиз Ахцегь райондин Чепер хуьре дидедиз хьана. Ада Ахцегьрин юкьван мектеб, Москва-да высший партийный школа куьтягьна. Гзаф йисара Агъул, Ах¬цегь районрин ва республикадин "Коммунист" газетрин кьилин редакторвиле кIвалахна, КПСС-дин Ахцегь райкомдин 2-секретар-вилин везифаяр тамамарна. Гьукуматдин наградаяр ва "ДР-дин культурадин лайихлу работник" тIвар къазанмишна.
Азизханован шиирар, "Чепер Касбуба" тIвар алаз, I946-йисалай печатдиз акъатзава. Зари цIудралди шиирин, манийрин, поэмайрин автор я. Абурукай шаирдин 'Девирдин зенг", "Суван цуьквер" ва "Зи зираят" ктабар ибарат хьанва.
Чепер Касбуба хайи ватандал, ва тIебиатдал, ашукь шаир я. "Зи зираят шиирда зариди вичин зиярат хайи ватан, Чеперин хуьр, яз гьисабзава
Чепер Касбуба ЛПС-дин член я

Акимов Къ. Х. «Лезги зарияр»