3и Хуьрелар

Ви ник1ера даим къуьлер аквазва,
Ви багълара билбил нуькlвер къугъвазва.
Ви дерейра Шур* булахар рахазва,
Пагь,дуьньядиз машгьур хьанвай,Хуьрелар.

Шагь,Шалбуз дагъ гьейран я вал кlевелай.
Ви акунар алатдач зи рикlелай.
Вун Мекке я,заз зи лезги чилелай,
Фирдоусдиз ухшар авай,Хуьрелар.

Ви Чувуд кlам*,ви Члад тар* кlан я заз,
Ви чилелай ирид пlирер тан я заз,
Ви гуьрчегвал истеклу тир чан я заз,
Даим гьалал девлетар гвай,Хуьрелар.

Аферин,хуьр кутур тухум Бачlариз,
Намус хас я,ви гуьрчег тир рушариз.
Цуьк акъатай ви дерейриз,тlулариз-
"ДИДЕ" лугьуз жеда завай,Хуьрелар.