Вуч хъсан я, къе чи поэзиядиз цIийи жегьилар къвезва. Абурун арада чIал кани, чил кани, эл кани са жегьил- зи МЕРД ЗАРИ Владик иллаки тафаватлу жезва. Адакай хъсан шаир жедайдал зун чIалахъ я. Вучиз лагьайтIа, адаз михьи РУЬГЬ ава.
Аташов Тачир Ибрагьиман хва 1992 йисуз октябрдин 2-даз КцIар райондин ГуьндуьзкIеле хуьре дидедиз хьана. Хайи чIалал ашукь тир жегьилди иер-иер шиирар кхьизва. Сифте яз «АЛАМ»да басма жезва. Адан шиирар кIелайла са дуру чешмедин виляй ргазвай руьгь аквада заз.
Гуьламиров Раджи Халиддинан хва 1997-йисуз августдин 16-даз КцIар райондин ЧIакIар хуьре дидедиз хьана.
Марсел Ислеманан хва Ризаев (Марсел Испикви) 1984-йисан 29-апрелдиз СтIал Сулейманан райондин ЦIийи Испикрин хуьре дидедиз хьанва. Гьеле хуьруьн мектебда кIелзавай аял вахтарилай эгечIна Марсел Ризаева вич хайи чIалал, литературадал, тарихдал, медениятдал рикI алайди яз чирна.
Илясов Камалдин Албертан хва 1991 йисан 30 мартдиз Хив райондин Кашан хуьре дидедиз хьана. Алай аямда Питерда уьмуьрзавай жегьилди аял чIавалай хайи чIалал шиирар кхьизва. Заз интернетдай чидай жегьилдин шиирар сифте яз "АЛАМ”да чап жезва. Чна адаз чIехи гъуцаривай агалкьунар тIалабзава!
Мустафаева Зарина Элвардодин руш 1995 йисан 24 февралдиз СтIал Сулейман райондин Бут хуьре дидедиз хьана. Юкьван мектеб акьалтарна Дагъустандин Политехник Колежда кIелна. ГъвечIи чIавалай манийрал, шииррал рикI алаз чIехи хьайи Заринади хайи чIалал шиирар кхьизва.
Эйваз Гуьлалийрин
ДИДЕ
Лале Садирова Энибаладин руш 1991-йисан февральдин 25-даз КцIара дидедиз хьана. КцIар шегьердавай 2-нумрадин юкьван мектеб акьалтIарай и стIурви руша Бакудин Славян Университетдин журналистика факултетда чирвилер къачуна. Са жегьил журналист хьиз Бакуда «Новое Время», «Неделя», «Qusar-КцIар» газетра кIвалахна.
Бейбутова Эсмира Султанагьмедан руш 1994 йисан 22 мартдиз КцIар райондин Хуьрелрин хуьре дидедиз хьанва. Хайи хуьре юкьван мектеб кIелай руша, КцIара медицинадин курсни акъалтIарна. Хайи чIалал рикI алай, сифте кам "АЛАМ"да вегьизвай Эсмиради иер-иер шиирарни кхьизва.
2002 -йисуз КцIара дидедиз хьанва. Шегьердин Э.Гуьлалиеван тIварунихъ галай 2 нумрадин мектебдин 6 классда чирвилер къачузвай Сураяди хъсан шиирар кхьизва. Поэзияда сифте камар вегьизвай и руша хайи чилиз, дидедиз, муаллимриз авай канивал вичиз хас тир миливилелди ахъайна къалурзава.
1995-йисан 6-февралдиз Дакъузпара райондин Миграгъкъазмайрин хуьре дидедиз хьана. Вичин чирвилер Дербентдин СПИ-да давамарзавай руша мебелдин цехинани кIвалахзава.
