Дильмира Ашурбекова

Зи рик1ин мурадар

Михьи гьава Каспи гьуьлел,
Бул-берекат лезги чилел,
Экуь,ислягь цавар кьилел,
Хьун я,зи рик1ин мурадар!

Кутур багъда дадлу нямет,
Гьар хизанда хатур-гьуьрмет,
К1анибур чеб-чпиз кьисмет,
Хьун я,зи рик1ин мурадар!

Халичадал

За хразвай халичадал,
Гьар жуьредин гуьлер ала.
К1ани ярдин буй-бухахдал,
Са шумудан вилер ала.

Цава авай экуь гъетер,
Экв гуз,чилиз куьк1уьрзава.
К1ани ярдин ч1улав вилер,
Сефил яз зал туьк1уьрзава.

Зи хиялар

Зун сефил яз къекъведайла чилерал,
Хиялрикай цфер жезва цаварал.
Уьмуьр акур ч1авуз мич1и вилерал,
Валлагь,вахар,рик1изни кваз т1ар жедай.

Манийрин уст1ар

Суьлгьуьят хала-я чи берекат.
Къурмишзавай чаз сегьне,мярекат.
Рик1ерин дердер алудзавай фад,
Сад Аллагьди вун авурай ман шад!

Вун я манийрин халисан уст1ар,
Вири Къавкъаздиз машгьур я ви т1вар.
Кьилиз акъатун патал ви къастар,
Лезги халкьди ваз лугьузва тостар!