Зи рик1ин мурадар

Михьи гьава Каспи гьуьлел,
Бул-берекат лезги чилел,
Экуь,ислягь цавар кьилел,
Хьун я,зи рик1ин мурадар!

Кутур багъда дадлу нямет,
Гьар хизанда хатур-гьуьрмет,
К1анибур чеб-чпиз кьисмет,
Хьун я,зи рик1ин мурадар!

Рик1е гьардан къени къастар,
Дуьньяд винел шад тир вахтар,
Чи балайриз ширин бахтар,
Хьун я,зи рик1ин мурадар!

Кьилел туьхуьн тийидай рагъ,
Шарвилияр далуйрихъ дагъ,
Гьар са миллет уьмуьрда сагъ,
Хьун я,зи рик1ин мурадар!

Чи арада аваз садвал,
И дуьньядал чаз азадвал,
Гьар са хуьре анжах шадвал,
Хьун я,зи рик1ин мурадар!

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.