Арбен Къардаш

Зи лезги чIал, дидедин чIал – дуьньядин
Вири чIехи чIаларилай ширинди.
Зи кьисметда шадвилинни сузадин
Гуьзгуь я вун, хвейи халкьдин зигьинди.

Гьей , куьн , Дуьнья т!уьна - хъвана
Тух тежербур ,аваз хазна!
Квез куьн ксар хьиз авани?
Квез куьн гъуцар хьиз авани?
Куь к!валахар ,гьерекатар
Дуьзгуьн крар хьиз яни квез?
Инсанвилин берекатар
Хуьдай банкар чиз яни квез ?
Гьикьван хьурай такьаз хабар

Лугьуда хьи :<<Ахварава лезгияр.
Ватандивай яргъарава лезгияр>>.
Ахварикай уяхбурни гзаф я.
Хайи чилин даяхбурни гзаф я.
Са Лезгистан я виридахъ авайди.
Кьве патай кьве зулуматди чухвайди.
Чун ахварай авуддайди эхирни.
Чун юрдарив ахгуддайди эхирни

<<Лезги гьинай,гуьзгуь гьинай>>,-
Лагьана са к!амашди.
Лезгидикай гуьзгуь хьана:
<<Гила жуваз тамаш дуьз>>.
Акурлани регъуь хьанач
Ц!ап хьтин чин угърашдиз.

1991

Чун алпанрин невеяр я,
Чи алпанвал гьиниз фена?
Чун кукlушар гирвеяр я,
Чи кьакьанвал гьиниз фена?
Чара гьанва чи арани
Чи дагъ лезгияр.
Энгел мийир гила кьванни,
Къарагъ, лезгияр!