Хуьруьг Тагьир

Ваз лугьудай са гаф ава,
Къваз са гъвечIи, азиз дурна,
Захъ дердияр гзаф ава,
Твах зи метлеб кьилиз, дурна.

Пара пис туш чи гьал, диде,
КIвал ава чахъ сач авачир.
Хзан – къалин, тIуьнни – пара,
ХъуьтIуьн бегьем раж авачир.

Куьне садра ая сабур,
Сад-садалай кьакьан дагълар.
Кьил цава кьуна такабур
Ше жемир куьн акьван, дагълар.

Фагьумайда, и дуьньяда
Валай пис шеъ авач, файда,
Къачурда вун аслан хьтин
Итим жеда яваш, файда.

Минет авуналди пара
Гьич зи гафар хьизни, я кас.
Бегьер тагур цIвелин тара
Ширин майва гъизни, я кас?

Эгер вуна ханачиртIа,
Жедачир зун пашман, диде!
Бахтсуздаказ зун дуьньядиз
Вучиз гъана, думшан диде?