Диде

Эгер вуна ханачиртIа,
Жедачир зун пашман, диде!
Бахтсуздаказ зун дуьньядиз
Вучиз гъана, думшан диде?

Са гьафте я, туш им гъибет
Авачиз зун шалвардин мет.
Йифди-югъди къачуз зегьмет,
Чан гуда за гьикьван, диде?

За гьикьван къачуда кашар,
Инсандивай эхиз тежар?
Чпи неда ягълу ашар,
Заз фуни гуч яван, диде!

Амай крар эхдай вири –
Динж туш йифиз къаткур ери,
касни авач валай гъейри
Къведайди гьич зи ван, диде!