Мазали Али

Жегьилриз тавакъу

ЯхцIур балкIан хьуй са жуьре,
Вири гьатна атуй рекье,
Къачудай хьиз Къубад къеле,
Зи дердиниз дарман атуй.

Хайи Ватан вилериз зи,
Пай таххьайтIа уьмьурдиз зи,
Хабар це фад эллериз зи,
Зун кьабулдай карван атуй.

Хандиз

Ханди чаз къе авуна кар,
Къуй виридаз хьурай хабар,
Алай пекер тирла кукIвар,
Кьилди кIвализ мугьман хьана.

Зал чухва-затI ала лугьуз,
Юкьва чIулни ава лугьуз,
Девлетлуд ни гала лугьуз,
Зун гьуьрметлу инсан хьана.