Гьар са касдиз я вун душман,
Аял етим ийир дуьнья.
Шумудни са цIийи сусар,
Хендедаяр ийир дуьнья.
Агъу я, дуьнья, ви зиллет,
Даим кефиз фейибур, гьелбет,
Тахтисарайда из хифет,
Пашман хьана ава, дуьнья.
Тахьайла ришвет кесибдиз,
Гьакь ятIани батIул ийиз,
Килигда девлетдин гъилиз,
Къиямат мукьвал хьана хьи.
Ни гайтIан кьве истикан чай,
Кьада хиве жегьеннемдин цIай,
Гьам я, валлагь, квез жери пай,
Къиямат мукьвал хьана хьи.
Гъурбатда хьайитIани женнет,
Жедач чандиз зерре лезет,
ЧIугвадай кьван дертни хифет,
ТIуьн-хъун зегьримар жеда хьи.
Гъариб кас хьайитIани аслан,
Яргъа хьайла вичин Ватан,
Кьилел кьведа йиф-югъ яман,
Арха гьарай из жеда хьи.
