Балакъардаш Султанов

I

Юлдашар, алатай сар 
Хтана зи хиялдиз, 
Кьадарсуз зулум авур 
Факъир етим аялдиз.

Виликан лянетлу къар 
Алатна чаз к1ур гана. 
Рекьидай чун гатана 
Девлетлуйри зур гана.

Агъа-Ст1ал уьлкведа Шур
Авуна на михьиз машгьур.
Чи халкьарин камалдин  нур
Я ви ч1алар, Стальски.

Эвел кьиляй ч1угур азаб,
Са ч1авузни хьанач татаб,
Як кьурана, гьулдан к1араб
Я ви гьалар, Стальски.

Барабар я ишигъ гудай электрик экверив,
Гуьрчегвилиз гекъиг жеда къизилгуьлдин цуькверив.
Рахунризни тангъах я, руш, халис билбил нуькIверив,
Гуьзел къамат наз маса гуз, зи виликай фидачни?

Заз азиз тир гъвечIи дустар,
Ватандин яру пионер!
Пакад къузгьар сад са устIар,
Гьелбет, чи далу, пионер!

Гьар са аял са чIехидай,
Чпизни гьар са кар чидай,
Гележегда власть хуьдай,
Гьулдандин пару, пионер!

Къенин шад югъ на кьиле твах,
Гьа вун авай хуьре, чан вах.
Яру пайдах винизна яхъ,
Ви кьудратлу гъиле, чан вах!

Гьар са кар ваз хьанва мумкин,
Ая кIвалах, жемир секин.
Партиядиз вуна кьур кьин,
Твах ам кьиле вуна, чан вах!

Эй инсафсуз, тIебиат, на
Чи чанариз гьикьван гужна?
Чи Абулкьасим къакъудна, 
Вири дуьнья къе чаз бушна.

СтIаларин чIулав накьвар,
Эхдан куьне вилин накъвар?
Квадарна чи кьарай, ахвар,
Хажалатар чал алтIушна.

Ви иесдин хьана чIалахъ,
Къачун хьана кал-садакьа!
Галукьриз кIур папан къвалахъ,
ЧIурзава зи кIвал, садакьа!

Лагьайла Султана «меме»,
Ван гьатна хьи мад зи кьиле.
Куьтягь жезвач хьи зи кIвале,
Нисеян зав къал, садакьа!