Перейти к основному содержанию

Пионер

Заз азиз тир гъвечIи дустар,
Ватандин яру пионер!
Пакад къузгьар сад са устIар,
Гьелбет, чи далу, пионер!

Гьар са аял са чIехидай,
Чпизни гьар са кар чидай,
Гележегда власть хуьдай,
Гьулдандин пару, пионер!

Амай аялрилай уьтквем,
Чпин низам хуьдай мягькем,
Шад межлисра къурмишдай дем,
Бахтунал кьару, пионер!

Галстукар тваз гарданда,
КIватI жеда куьн генг майданда.
Ашкъи, гьевес аваз чанда,
Дустарин гьал жузу, пионер!

Мектебдиз финиф я адет,
ГьакI бурж я акъваздач, гьелбет.
Илим къачуз чIугу зегьмет,
Фикирдиз гужлу, пионер!

Дуьньядавай гьарай-эвер,
Чира гьарда жуваз иер,
Чи Советрин гужлу бегьер,
Иерди аку, пионер!

Багъда таз хьиз жезва кьакьан,
Крар кIан жеч ваз нагьакьан.
КIвалах авуртIани гьикьван,
Галатдач яру, пионер!

Мягькем къастар туна рикIе,
Аваз чи Ленинан рекье.
Комунист партия кьаз къе,
Дуьнья ваз аку, пионер!

ЧIехи жезвай жегьил картар,
Яшамишрай куьнни куь тIвар!
Йикъалай-къуз  куь араяр,
Хьурай ман гужлу, пионер!

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.