Зун ракъурна вуна чиляй чилериз,
Лагьана: "Вун тахкурай зи вилериз"
Арадал затI алачиз зав къал хьана.
Гьа ви вилик заз фир-тефир сал хьана.
Мад вун галай патахъдин элкъведач,
Гьа вун авай хуьруьзни зун хуькведач.
Зун элкъвена хъфида куь варцелай,
Зун гъурбатда авай чIавуз
Диде къведа, дагълар къведа рикIел зи.
Такабурлу лекьер къведа
Элкъвей чарх гуз кьилел зи.
Хайи Ватан-лезги чилер,
Куьре къведа, Къуба къведа рикIел зи.
Хуш келима мецел алай
Буба къведа рикIел зи.
( СОНЕТ )
Дагъвидин цлакай рахана гапур:
“Гьикьван хьуй секиндиз къакъара аваз,
Хуьз жезмач завайни зи кьарай-сабур
Дуьньядин гъулгъула япара аваз.
Ахкъуд тавуна саваш-дувандиз
Гамунал алкIурна зун цлал хьана.
Кутугай чIал талгьуз какаш замандиз
Санал хьанач, са кIвал хьанач, къул хьанач.
Тупламишдай къуват хьанач, пул хьанач.
Халкьдихъ руьгьдин дестек хьанач, гул хьанач.
Бес Кьулан вацI чIур тежедай цал яни?
Югъ-къандавай гьатзава чун деркела1,
Куьмек авач я кIваляй, я къецелай,
( Бубайрин тарих рикIеваз кхьей цIарар )
Атана, чан, атана,
Къачагъ лезги атана.
МичIи йифиз гьарай физ,
Гуржидин руш тухвана.
Ишемир, чан, ишемир,
Гуржидин руш, ишемир.
Вилерилай селлер физ,
Ватан рикIел хкимир.
