Руш, къведайла булахдал
За ви гьуьрмет хуьз хьана.
Ашукь хьана дамахдал
Жуваз къведай хьиз хьана.
Физ Къубадиз, Кцlариз,
Тамаш ийиз базардиз.
Къачун лугьуз зи ярдиз
За ваз паяр гъиз хьана.
Яр ваз сифте йиф мубарак
Зардин либас алукьзавай,
Тавханада агална рак
Чамрахъ галаз ацукьзавай.
Уьмуьрда сад лагьай сефер
Вун гъизавай зид я кефер,
Бурмадавай яргъи кифер
Са чlиб чилик галукьзавай.
Са гъенел кьве далдамар
Им пуд лагьай сефер я.
Са нефсетан гададиз
Свас гъизавай мехъер я.
Сумка, тlаратl, хунчадив
Гьар патахъай атанвай.
Ругуд кlвални сивив кьван
Мугьманарив ацlанвай.
Кхьизди зи хайи газет
Рикl ашкъидив ацlанава,
Квезни чириз адан лезет,
Шаир Къудрат атанава.
Хьун тавуна садни яргъаз
Гьар са хабар гузавай чаз,
Кхьихь газет, ша, захъ галаз,
Дуст вун вучиз ксанава?
Ксайбурни уяхриз
Шаир Къудрат хтанава.
Шиир кхьиз кlанзава заз
И шегьердай хтай рушаз.
Хъуьрез-хъуьрез хабарар кьаз,
Накь зи патав атай рушаз.
Муьгьуьббатдин ви дерт чlехи
Сакlан жезвач завай эхиз
Лугьуз завди кlвализ вичи
Вичин шикил вугай рушаз.
Сифте къелем Ватандиз
Шиир кхьиз кьазва за.
Гуьзел Азербайжандиз,
Кlелиз рекье твазва за.
Гьар уьлкведин булахрай
Шербет ятар хъвазва за.
И шербетдин цел элдиз,
Къизилгуьлер цазва за.
