Акъвазнава вун мад кисна...

Ваз садрани зун рикIяй   кIан хьайиди туш,
Ашкъидин нав рикIин  къеняй  гайиди туш.

Къени вилик акъвазнава вун мад кисна
ЦIай авачир вилерилай  за мад   гьисна..

Лугьумир  ша , са гафни заз  лугьумир на
Хиялармир квекай ятIа багьна кьуна.

Чи паталай рахазва  къе  чилер, цавар,
Авадармир бади -гьава вилин накъвар

Гугрумзавай булутар зи- руьгьдин гьарай
Дагъдин цифер зи квахьнавай  рикIин кьарай.

ЦIайлапан тир  зи   чандавай ялавдин пай.
Кутуна   на  яваш- яваш     адакни  къай…

Авахьиз фий  гила  чилел    къуй стIалар
ЧIугвазамач , чIугвазамач   за  мад   тIалар ..

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.