Гьижрандин пар...

Заз акуна вун ахварай
Мадни   шад  яз рахаз-хъуьрез .
Алатна кьуд патахъ гьарай
Бахтавар хьиз    шахдик  къекъвез.
Гъил гъилевай са масадан
Камарихъ ви гьикI галай звер,
Ван къвен тийиз ваз кIанидан
Бишидаз хьиз, гайла эвер..
ЧIулав чIарар авахьнавай
Далудиз ви гьамиша хьиз…
А вилериз хьанач завай                        
Тухдалдини гьич килигиз-
АтIана зи нагагь ахвар!
Мад квахьна  зи рикIин кьарай …
А вахъ галаз тахьай гафар
Хабар тушиз  гила вакай
Авун патал къарагъна зун .
Акатна гьикI   чандик зурзун!
Алуд тежез цлалай вил
Ви шикилди гузвай безек
Байгьушардай кIанидан кьил
Варз алай са йиф хьиз  гуьрчек…
Элкъуьрна за рикIевай тIал
Верци-верци   ихтилатдиз,
Гьижрандин пар сIтал- сIтал
Вилерилай физ  авахьиз…

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.