Фидани зун, фидачни?

Эвернава заз мехъерик  вун авай,
Хиялзава, фидани зун, фидачни.
Шумуд  йис я къакъатнава чун чавай
Гуьруьшди чаз  дад  гъидани , гъидачни?

Гьа  эвел хьиз  чуьнуьхда  жал   чин  вуна
Са легьзеда  акьурла вил вилера?
Яру хьана хъуьхъвер мадни къекъифна
Ашкъидин тIал къарагъдатIа кьилера?

РикIе ама  лугьуз тахьай гафар  зи
Вахтар фена, элбет , элкъвей гъамариз
Галукьайла яраб  руьгьдик шавгьар ви
Гьиссери    кьел    вегьидатIа   хамариз ?
 
РикI  захъ галаз  ава яман гьуьжетиз-
«Ам бахтавар тирди бес  ваз  чидачни?»
Гьа икI  суал ама жаваб гуьзетиз:
«А мехъерик  фидани вун, фидачни?»

Рубрика