Уьмуьр гьала касди хьиз..

Веси хьиз   ваз  амукьрай и гафар  зи
Садрани гьакъ гумир   кIвачик нагьахъдан
Дуьзвиликай   къуна гапур  на   хци
КичIе жемир , уьткемдик   лагь  гаф  жуван !

Пехилдавай  акъваз яргъал жедай кьван-
Ам  гъулягъ  я  зегьер тадай гелера,
Пара  фидач гъида ада са   буьгьтан ,
Какадарна   къал кутадай  кIвалера..

Яб це хаин   пара хьанва   дуьняда,
АтIудай ви  тарце аваз  ви  хилер   
Чинал хъуьрез ,кIан эгъвез са къайдада ,
Алуд тийиз валай  пехъре   хьиз    вилер.

Дардавайдаз яргъи ая гъил вуна,
Анай жуваз алхиш гуьзет гьич тийиз
И  несигьат гъиле  пайдах хьиз  кьуна
Уьмуьр гьала вижеваздик  -  касди хьиз!

Рубрика