Са дили ашкъидин...

Са дили ашкъидин сурагъдава рикI
Каспи хьиз дерин тир,  Шагьдагъ   хьиз къакъан
ЦIверекIар  кутадай    къайи гьиссерик
Жедайвал  руьгьдикай     ялавдин макан.

Уьмуьрдин улубда   турай цIийи чар
Дегишрай  ацакьун - къарагъунар зи
Гьижрандин азабди гайитIа гъамар
Агьу –зар   ийидач     жеда   зун рази..

ЦIайлапан    йеришдив     чандиз   атурай,
Кьилелай кIвачелди  къурай зун битав.
КичIе туш  ,  ашкъиди   къуй рикI атIурай
Гъалиб хьуй  амма зи  хиялриз чIулав…

Рубрика