Чинеба тан

Белкини  тан  чи  кIанивал  чинеба,
КичIе я заз и ашкъида вил акьаз.
Икьван мили  байихар  чи  эквеба
Лугьун тийин, минет хьурай  гьич садаз.

ЭкъецIин чун  Селибурдин яйлахдиз
Гуьлуьшан яз  атир гудай кьуд патай
Ашкъидин са кIвал тIуькIуьруьн кIеле хьиз,
Мягькемвилив  бед незерар атIудай.

Пехил жеда шаксуз  сувун жейранар
Акурлахъди   цукьвед  къене   ви  къамат,
ТIимилармир ,  чан кIаниди , заз  дидар-
И дуьняни вун авачиз  -   къазамат!