Перейти к основному содержанию

Хайи хуьре..

ХъуьтIуьн юкъуз хтанва зун СтIуриз,
Муркар, живер ,маргъал гъилив  атIана.
Килигда за байихар гьа юзуриз,
Хайи чилиз тухдал ара датIана.

Пилте- пилте жив къвазава   къаварал,
Лацу хьанва кьуд пад сувун  кукIвар хьиз.
Ахквазамач са булутни  цаварал.
АкI жезва заз и акунар     ахвар хьиз.

Алатна ван  къецел ала аялар,
Гьикьван чIав тир живедин рехъ гуьзетиз,
Къулан патав    яргъал физва  хиялар,
Секин тежез гьа  захъ галаз    гьуьжетиз.

Вегьирдавай цIаюн винел кIарасар ,
Нав  гьатзава кIвалин къайи цлара,
Амма заз чим ,  амач лугьуз миресар ,
Акъатзамач сакIани и патара .

Ацукьна руг чарар гала зи вилик.
Гьар цIаруна кIанивилин  гел авай .
Хъим къунавай варар гала зи вилик,
Яргъал хьайи  сагьибдикай хъел  авай.

Экъецда  зун хуьрун кимел нянихъ,
Живедикай  яваш- яваш гелер таз,
Галукьдай  а   ихтилатри  япарихъ
Гъам  алудна  чим  гъидатIа яраб заз ?..

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.