Лагьанай за, вердишармир зун жувал
КичIе я заз четин жеда къакъатиз
Магнитди хьиз чугна –лугьун авайвал
КIанзавачир амма заз гьич агатиз.
Тухвана ви ихтилатри яргъариз,
Акъудна зун чин тийидай алемдиз.
ЧIанавилер элкъуьрна шад йикъариз
Илгьам гъана , къуват гана къелемдиз.
Акьурла вил ви вилера кана зун,
Гьатай ялав акъатзамач зи чандай.
Иервиливив , мили ванцив хана зун,
Хьана закай Керем тек са вун кIандай!
Якъин геж я вердиш хьанва зун вал гьикI
Белки им я ашкъидин чIав атанвай?
Агата зав, ша акъудмир вуна рикI
Хабар тушиз кIанивилив ацIанвай ….
Рубрика
Добавить комментарий