Перейти к основному содержанию

Къарагъ, Лезгияр

Къарагъ, лезгияр! 
Вахт я жер уях,  
Сада-садакай  
Кьаз хьурай даях.  
Битав къуватар  
Ялин садвилихъ,  
Дарискъал дуьнья  
Гьалин шадвилихъ.    
Негьиз чиновник,  
Тlарашчи, къанлу,  
Шарвилид невеяр  
Язва куьн жанлу. 
Лезгистанда тван  
Адалат, къайда,  
Буш гафарикай  
Кьан тийин далда.       
Квез герек я чаз  
Пехилвал гумбатl ?  
Чун авайди я  
Мейхана, гъурбат. 
Акъудна рикlяй  
Чlурувал, дертер, 
Куькlуьрин чилел  
Бахтунин гъетер.    
Дуствал, стхавал  
Мягькемриз алахъ! 
Садвал язва чи  
Женгинин яракь. 
Лезги дидейрин 
Рухваяр кьегьал, 
Пакадин крар 
Тийидай энгел.     
Инсан жеч чилел  
Абадвал такlан, 
Гьахълувилиз рехъ  
Тагудай кьакьан. 
Марифат язва  
Эдеб-гьерекат,  
Уьмуьр галачиз
Тухуч мярекат.    
Инсандин буржи  
Ийин аннамиш,  
Ватанпересвилихъ  
Яз вич инанмиш, 
Хьана жув ажуз,  
Жемир жуьретсуз,  
Чарадан варце  
Саил, гъейратсуз.     
Четинвилер вал 
Къвайла, эх тежер,  
Сабур це,алуд  
Абур эйбежер.  
Халкьдин арада  
Тваз хьуй гьахълувал.    
Ксаналди, чаз  
Жегъич бахтлувал. 
Гьахъни адалат  
Квахьайтlа, чавай 
Туькlуьриз жедач  
Уьмуьр кьилелай.  
Еке дуллухрин 
Жемир куьн гара,  
Хзандивайни  
Жеда авара.     
Къаних невсиниз  
Тагайтlа мад таб,  
Хабарсуз кlулал  
Аватда азаб.  
Бурж я гьар садан   
Хуьнуьх инсанвал,  
Зегьмет такуна  
Жегъич хъсанвал.      
Зизик Дашдемир,  
Экъечl гуз эвер: 
"Жумарт жегьилар,  
Ватандин рикlер,  
Лезгистан абад 
Авун я герек!  
Азадвал я бахт!  
Бахт я, бахт, эркек!".

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.