Лезгистан я зун хайи

Лезгистан я зун  
Дидед(и) хайи кlвал,  
Лайлаяр ягъиз,  
Зегьмет чlугур зал.

Ина сифте яз  
Илифда гатфар,  
Цавалай къвада  
Берекат, марфар.        

Юмшагъ я гзаф
Инин тlебиат,  
Кефсуз касдилай  
Вахчуз азият.  

Хкведа иниз  
Билбилар, къушар.  
Булахрал къведа  
Лап чlагай рушар.   

Цавук ккlай хьиз  
Аквада дагълар,  
Аранда дигмиш  
Емишдин багълар.    

Инсандин винел
Чlугвазва зегьмет,  
Арада аваз  
Стхавал, гьуьрмет.    

Жегьилрив кьунва  
Хуьрерин кимер,
Гъенерал ргаз  
Мехъерин демер.  

Муьгьуьббатдин рагъ  
Гьакьван тамарзлу,  
Чеб-чпел гьакьван  
Ашукь яз хару.        

Гатфарин чими  
Гьава, вичиз хас,  
Таму, тарари  
Алукlна либас.  

Цуькверин атир  
Какахьай гьава  
Инсан сархушдай  
Я чандин дава.

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.