Перейти к основному содержанию

И дуьньядин крар аку

Ирид арха жагъурна за,
Ирид дагъдин а патакай.
Ирид чилер т1ушунна за,  
Са кап гьалал фуан патакай .

Ирид жуьре гьал хьана заз,
Ирид дердин т1ал хьана заз.
Ирид т1алди т1агъ гана заз,
Ватан рик1е тван патакай.

Ирид ч1алал билбил я зун,
Ирид ч1аван сефил я зун.
Ирид ванцин кфил я зун,
Шезва рик1 а ван патакай.

Ирид ч1алал рахайт1ани,  
Ирид ц1уз зун вегьейт1ани.
Ирид к1усда за зи чанни,
Дидедин ч1ал хуьн патакай.

Ирид чилел къекъвена зун,
Ирид патай чуькъвена зун,
Халкьдин рекье женгина зун,
Кьулух хьанач чан патакай.

И дуьньядин крар аку,
Седакъетан ц1арар аку,
Чал кьвазвай харар аку,
Чун лук1ар хьиз тан патакай...

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.