Такlан гъуьлуьз

Кьаз алахъмир, гъиле гьатдач,
Кьаз жеч вавай билбил таза.
Вун девлетлу кас я лугьуз,
За муьгьуьббат гудач маса.

Вуна гъайи харад валчагъ,
Харад валчагъ дар хьана заз.
РикIиз такIан чIулав гъуьлягъ,
Гила вакай "яр" хьана заз.

Пагьливанди сим янава
Къаварилай къаваралди.
Я сад Аллагь, ви гъил зав це,
ЭкъечIин чун цаваралди.

Иви хъвадай чIулав гъуьлягъ,
Вун инсандин хамунава.
Шадвал ая, залум, кавха,
Саяд къе ви камунава.

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.