Вахар

Веси хьуй квез, азиз вахар,
Муьгьуьббатдал серин гъимир.
Яр я лугьуз, кьуьзуь гавур
Кьуна, девлет ширин жемир.

ЧIалахъ хьухь, чан азиз вахар,
Саяд куь вах яз амукьда.
Къияматдин югъ къведалди
Хажалатар гваз амукьда.

Квез минет хьуй, азиз вахар,
Зи яр сефил яз такурай.
Ам са тагай инсан ялда,
Адан кефи хаз тахьурай.

Булахдин яд къайиди я,
ХупI авуна хъваз хьайитIа.
Зи рикI къене пад жеда хьи,
Зи яр сефил таз хьайитIа.

Рубрика