Перейти к основному содержанию

Назани

KIвaтI жерид я гьар са миллет
Чи мектебдин кIвал, Назани,
На дидедиз ая минет
Вунан ая кIел, Назани.

КIвачер яру гьар вили лиф
Авам яз амукьиз гьайиф.
Герек гьакI я кесиб синиф
Илимдин кIвенкIвел, Назани.

Чир жеда ваз пара затIар,
Газетризни кхьиз устар.
Кутур жуван хъуьчIуьк дафтар,
Кар тахьуй энгел, Назани.

Фагьум, фикир кIанда герек,
Кьве вилизни аквада экв.
Вун мектебдиз алад зирек,
Чка яхъ эвел, Назани.

Къачу къарандашни кагъаз,
Илимдивай жемир яргъаз,
Накь гай тарсар жува-жуваз
Хкваш ви рикIел, Назани.

СтIал Сулейманан гевил,
Гьелбет, адан фикир я гьуьл,
Тарс гузавай инсандин вил.
Алаз тамир квел, Назани.

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.