Мегьамед Гьажиев

ЧIехи алим ва зари Гьажиев Мегьамед Мегьамедович I897-йисан 10-декабрдиз Куьре округдин Мегьарамдхуьре, агьваллу ва савадлу хзанда, дидедиз хьана. Лебии алакьунар авай гадади агал-кьунралди Алкьвадрин медреса, Кьасумхуьруьн мектеб, Дербентда ва Къубада муаллимвилин курсар куьтягьна, хайи хуьруьн совет-рин школадин муаллимвиле ва зеведишвиле кIвалахна. I932-йисуз Дагъустандин С. Сулейманан тIварунихъ галай пединститутда, ахпа Москвада аспирантурада кIелна. Лезгийрикай сифте яз ада фило-логиядин илимрин кандидатвилин ва докторвилин дережаяр къа-занмишна.
М. Гьажиев чи чIал дериндай ахтармишай сад лагьай лезги алим я. Дагъустандин тарихдин, чIалан ва литературадин институтда къуллугъай къад йисан вахтунда алимди 20-далай виниз къиметлу кIвалахар: лезги чIалан учебникар ва литературадин хрестоматияр, илимдин макъалаяр ва ктабар, лезги чIалан словарар дидедин ва урус чIаларал кхьена, печатдай акъудна, халкьдив агакьарна, ам савадлу ва илимдар авуник еке пай кутуна. Илимдин ахтармишу-нар тежрибадихъ галаз алакъалу авуна: гзаф йисара Дагъустандин пединститутда тарсар гана.
Мегьамед Гьажиев шаир, драматург ва таржумачини тир. Ада аялар патал теснифнавай шиирар 30-60-йисара Гь. Гьажибегова, А. Фетягьова ва Н. Агьмедова туькIуьрнавай учебникра ва хрестома-тийра гьатнава. I936-йисуз М. Гьажиева конкурсдиз "Дагълара" пьеса вугана. Ада лезги чIалаз урус писателрин эсерар (Л. Толстоян "Гьажи-Мурад" повесть, М. Горькийдин "Диде" роман ва мсб. ) таржума авуна, кьилди ктабар яз печатдай акъудна.
М. Гьажиева чIалан илимдик ва милли литературадик еке пай кутуна. Ам I958-йисуз рикIин азардик кечмиш хьана, Магьачкъала-да кучукнава. Адан тIвар Мегьарамдхуьруьн сад лагьай юкьван школадал эцигнава.

Акимов Къ. Х. «Лезги зарияр»

Рубрика

Комментарий кхьихь

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.