Перейти к основному содержанию

Са пенкьв кьванни гьатначни квез, инсанар

Са пенкьв кьванни гьатначни квез, инсанар?
Гьинай гьатна квез и душман къарагуьн?
Вилаятда туна тапан дуванар,
Бес мус жеда са гьакь-дуван, къарагуьн?

Авайвилиз хьурай лянет, кур байкъуш!
Мурдар суфат ви низ я экв, нур, байкъуш?
Гъил ивидин курут, рик|ин мур байкъуш,
Ч|улав йифиз къведа ви ван, къарагуьн.

Харап|айрал ацукьна вун хъуьрезва.
Жаваб це: нел алукьна вун хъуьрезва?
Лешинин ял галукьна вун хъуьрезва!
Мусурманди ваз лугьун хан, къарагуьн?

Яхул бармак рекьел ч|улав нур хьана,
Чи хуьр, уба вирина- уф! -ч|урна хьана.
Ругун ч|угур рат рушарин хур хьана,-
Бес гьикьван хьурай и хар, т|урфан, къарагуьн.

Бейадалат гьикьван хьурай дуьньяда?
Саидан чан гьикьван курай дуьньяда?
Харни т|урфан гьикьван къурай дуьньяда?
Ракъинал вил хьурай гьикьван, къарагуьн!

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.