Эй, залум цlай

Эй, залум ц|ай, залай алат,
Эхиз тежер гуж хьана заз!
Яхул шалдин лацу халат
Ивидай жер гуж хьана заз.

Набелед яз кьунач хабар:
Ц|вена кьилел дагълар, рагар.
Кьилел атун акур ахвар-
Агь, бешбетер гуж хьана заз.

Ивидин вир хуьзвай гъуьлягъ,
Мич|и хьурай ваз экуь рагъ!
Я эренлер, я Шалбуз дагъ.
Рик|ел текъвер гуж хьана заз!

Ингье, тамаш: саз кьур гъилер
Зурзаз ава- вучин, эллер?
Къвез ивидин селлер, селлер...
Вилер, вилер гуж хьана заз!

Кьуьчхуьр Саид, вун набелед
Хьайла, вуж ят|а белед?
Азраилдин вичин велед
Вилик элкъвер гуж хьана заз.

Рубрика