Тавурай

Первердигар, сагъ чан, фу чаз кьегьят я,
К|евяй халкьдин душман акъат тавурай!
Аллагьдин бурж вахкун гена регьят я,
Ви буржуник чун, хан, акат тавурай!

Мет|ел чка гайит|а на, гардандал
Акьахда ам: ихтибармир гьич хандал!
Ц|ай къати я, фад звал къведа къажгъандал,
Сабурсуз ц|ук инсан акат тавурай!

Первердигар, фуан вилик пак я чун.
Хилаф квачир даим ахъа рак я чун.
Вакни зур ваъ, Мурсал, чиркин вак я вун.
Зи чуьнгуьрди кимерал ван тавурай?

Бес вуж патал я зи чуьнгуьр, напакди?
Вуж патал я цавун гьуьндуьр, напакди?
Тахьурай ви эхир хийир, напакди!
Сад аллагьди гьик| ви дуван тавурай?

Вири мециз, Саид рик|из килигда:
Ви рик|ин сир вуна гьина эцигда?
Сирни маса гуда сирдиз шерикда.
Дуст арадиз явшан акъат тавурай!

Рубрика