Агъадиз

Вун иблис я, шейтIан я вун гунагькар,
Чиркин я руьгь, туькьуьл я мез ви, агъа.
Кесиб саймиш тийиз, гьилле я ви кар,
Аквадач вун гьич дуьз рекьяй къвез, агъа.

Вун зулумкар, жаллатI ятIа инсафсуз,
Жуван дели кьил гьамиша яхъ агъуз.
Ви гелер я харапIаяр гьар юкъуз,
Писвилерив михьи рикIер нез, агъа.

Регьимсузри вучиз девран гьалзава?
Лап Искендер яз нефсинихъ ялзава,
Язух элдиз экуь дуьнья салзава,
Гуьлчименра чIулав чайгъун жез, агъа.