Перейти к основному содержанию

Чубарук

Гьикьван вахт тир вил галамаз вун акунихъ?
Гьатнавай чун ви дердина, чубарук!
Сим гъуьргъуь яз чуьнгуьр галай хкунихъ.
Авайди кьуьд тир вирина, чубарук.

Чи вил галай вахъ, гена вун хтана.
Чи айванар ви манидив ацIана.
Сегьер-сегьер вун заз акваз датIана,
Бул гатфарар ви гуьгъуьна, чубарук.

ХъуьтIуьн къаяр амач, фена, алатна.
Дагъдал алай муркIар гена алатна.
Дагъдиз хъуьтуьл махпурдин чIичI акъатна.
Цавар экуь, вун кефина, чубарук. 

Вун дигана, ара авач гъалатIдиз.
Бес и дуьнья вугунни са ламатIдив?
Дердерин гъал ви тумунив-мукIратIдив
АтIутI: тефий чарх терсина, чубарук.

Куьчхуьр Саид, гъуьргъуь симер чуьнгуьрдин
ТIарамарна, пай тежервал тахсирдин,
Къамат чIугу бей-адалат асирдин:
Таб – тахтуна, гьахъ – симина, чубарук?

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.