Перейти к основному содержанию

Валлагь, къе

Жегьил чандиз азаб гумир вуна зи:
Яб гузмач хьи на имандиз, валлагь, къе.
Хажалатди жигер кана, суна, зи,
Дава, дарман авач чандиз, валлагь, къе.

Валай гъейри яр авач, туш герекни.
Гена селли тIвар авач, туш герекни,
Вун галачир кар авач, туш герекни.
Магълуб я зун ви фармандиз, валлагь, къе.

Вахтар физва, акваз-такваз алатиз,
Зун я дели-дивана, фул акатиз,
Кьве вилелни шелдин серин аватиз,
Авач жаваб зи амандиз, валлагь, къе.

Артух жезва югъ-къандавай хажалат,
Беден кьураз, дерт хьанва зал гьавалат,
Ваз хабар туш зал атанвай агьвалат:
Муьгьтеж хьанва зун дармандиз, валлагь, къе.

Югъди-йифди гьатнава ви дердина.
Гъейри ксар ава чпиз кефина...
Саид, гьидан крар ава гуьнгуьна?
Аватнава зун зиндандиз, валлагь, къе.

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.