Перейти к основному содержанию

Эй, эренлер

Эй, эренлер, зи чарх кьулухъ авахьна,
Рагъ чкIанвай рекьер къакъудна хьи зи.
Садлагьана цаварин экв хкахьна:
Эбеди шад вилер къакъудна хьи зи.

Аллагь! Дуьнья икI куьз ятIа яраб?
Кана зи жигер, хьана хьи кабаб.
Залумди-ханди гана заз азаб,
Йиферин гъетер къакъудна хьи зи.

Садбуруз къизил, садбуруз гимиш,
Садбуру кал хуьз, садбуру гамиш.
Дуьнья! Вун гьидав хьана гуьруьшмиш?
Чуьнгуьрдин симер къакъудна хьи зи.

Гьамиша акур рагъ аквазмач заз,
Пакаман сегьер багъ аквазмач заз,
Эй, эренлер, пак дагъ аквазмач заз:
Сивел алай хъвер къакъудна хьи зи.

Лавгьеда кхьейдаз маил хьана зун,
Худади гайидаз наил хьана зун,
Язух Саид, гила саил хьана вун,
Агь, шамсини къемер къакъудна хьи зи!

Рубрика

Добавить комментарий

Ограниченный HTML

  • Допустимые HTML-теги: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Строки и абзацы переносятся автоматически.