Гьуьжет

Летиф:
Дагъустандай атай гуьзел,
За вун чаз мугьман ийида.
Чуьнгуьр хада ахъайна хьел,
Ви гуьгьуьл виран ийида.

Лейли Ханум:
Вуна зун мугьман авуртIа,
Чан за ваз къурбан ийида.
Иви къведа, хьел чIугуртIа,
Ви перем алван ийида.

Летиф:
Хуш хьайитIа заз ви аваз,
ЧIугвада за, гуьзел, ви наз.
Къахчуна ви либасни саз,
За вун хупI гьейран ийида.

Лейли Ханум:
Лейли я зун, шад ва кIубан,
Элдиз малум я зи тIвар-ван,
Абдулла бег я зи жаван,
Летиф за пашман ийида.

Рубрика

Ухшар макъалаяр