ЗатI туш

Яр, ви чинин ранг акурдаз, экуьн чIаван ярар затI туш,
Магьид рангунин гардан алай дуьньядавай рушар затI туш.

Китайдин хьуй, кIантIа Римдин пачагьар ви гуьзелвилин
Есир хьана, лугьузва, вав Цезарарни Кирар затI туш.

Магьидин ви сарарикай хкатзавай хуш сесери,
Чан гъизвайдаз якъутдин селдив ацIанвай вацIар затI туш.

Гьихьтин назлу либасдивди дуьзмишнава гуьзел беден,
Наз гунивди ви паиав гьич вири малайикар затI туш.

Ашукь я вал Ахцегь Назим чаз ван хьайи Керем хьтин,
Эсли вуч я вав гекъигиз, ви патав Лейли затI туш.